Descubre como colaborar connosco e forma parte do proxecto ACEFGA. Axúdanos a conservar a natureza de Galicia, axúdanos a conservar o teu patrimonio natural e a túa calidade de vida.
FAITE SOCIO
A nosa Asociación finánciase cos donativos e as achegas privadas dos nosos socios e benfeitores. Calquera persoa pode facerse socia de ACEFGA e colaborar de forma continuada co noso proxecto. Mediante unha cota periódica, poderás participar nas actividades programadas para socios e socias e asistir ás asembleas da Asociación. Podes colaborar a partir de tan só 1 euro ao mes, pero existen cotas de 2 e 3 euros mensuais ademais de cotas especiais de 50 e 100 euros anuais. Indícanos calquera outra cifra coa que queiras colaborar.
Enche o formulario e convértete en parte do noso proxecto.
DOA
Podes achegar o teu grao de area de forma puntual, realizando unha doazón no momento e da cantidade que queiras. Pódese realizar mediante ingreso directo en calquera sucursal de ABANCA ou por transferencia bancaria á nosa conta. 
Aquí deixámosche os nosos datos bancarios para ingresos ou transferencias:
ABANCA | IBAN ES3620803103113040041596 | BIC CAGLESMMXXX
Conta a nome da Asociación pola Conservación do Ecosistema Forestal Galego (ACEFGA).
FAITE VOLUNTARIO
Precisamos máis que financiamento, necesitamos persoas dispostas a traballar nas accións de conservación e restauración: recollendo lixo, eliminando flora exótica invasora ou plantando árbores. Se queres dedicar parte do teu tempo libre a traballar de forma voluntaria en contacto coa natureza, no corazón de espazos naturais de alto valor, axudando a conservalos e preservalos, colabora connosco.
Contacta connosco, avisarémoste cando fagamos actividades nas que participar.
IMPLÍCATE NA CUSTODIA
Buscamos terreos forestais de alto valor ambiental ou susceptibles de ser restaurados. Se es propietario ou coñeces a alguén que poida estar interesado, non dubides en poñerte en contacto connosco. Podemos asesorarte, pechar un acordo de custodia e axudarte a xestionar o terreo ou podes cedernos a súa propiedade doando ou legando, mesmo se pode chegar a un acordo de compra-venda, o abano de posibilidades é amplo.
COLABORA NO NOSO EQUIPO
Comparte as túas habilidades e coñecementos connosco, se es un profesional do sector ambiental, administrativo, económico, audiovisual ou calquera outro que poida resultar útil no noso proxecto, anímate a colaborar e entra no equipo técnico ou directivo de ACEFGA. Tamén podes achegar as túas habilidades persoais puntualmente ou asesorarnos, toda axuda é benvida.
Solicita información no apartado de contacto ou envía un correo a info@acefga.org.